春假限定．街頭小吃!

每到農曆新年假期, 從年三十晚開始, 大概至年初三!

沒有小販管理隊的晚上, 深水步街頭紛紛湧現街頭小吃推車檔...

云云的推車檔中, 唯一在其他地方再找不到的是這檔炸麵粉魚蛋, 亦是我每次主要去吃的食物!



檔主是同一人, 跟廿多年前還是同一樣; 還記得第一次食應該是小學年代~ 他在深水步地鐵站的站口擺賣, 旁邊是賣魚蛋/墨魚鬚/牛雜的檔...

我小學年代, 售價是$1元12粒! 這小吃的售價也由多年前的$5, $8, $10至今年的$20才夠我一個人的份量...

不知為什麼沒其他地方有同類小吃賣(幾年前在旺角其他店舖見過一次), 現在變成了我每一年一度的小吃!

我們並不是朋友!

這個星期過了我的生日及年初一, 聽到的"生日快樂"及"恭喜發財", 還遠遠不及這句:

"朋友, 你有新相嗎?"

在生日的當天, 是網上發放最多照片的那一天... 收到不少舊"朋友"打來的問候, 原來並不記起是我生日! 並沒有半句假意的問候, 劈頭一句便是 "朋友, 你有新相嗎?"

---

照片風波不經意已過了個多星期, 人們還在努力輿論誰是誰非, 誰還在裝落寞, 誰還在裝純情?

整天在鬧的人, 你的腦袋是否還停留在清末民初的階段? 時代已經距離你太遠了...

現代人的開放態度遠超你們的想像, 別說邊拍邊做, 群拍群做, 伴侶每晚新鮮也是平常事; 只怪你們出生得太早! 沒機會像他們一樣... 自已接受不到便老罵人不對, 沒人迫你去跟!

說三道四的人, 大概心裡是不憤, 還是妒忌? 人家長得帥長得美, 年青有錢有名氣, 才有湧過來, 每日不眠不休也應接不暇的伴侶...

愛拍攝是人家你情我願的私事, 現在不幸被放了出來, 被你們與世界分享, 還邊看邊罵, 你有沒腦袋?

---

最後, 我真心同情當事人, 但這也是拍片要付出的代價啊!

獨樂樂, 眾樂樂, 孰樂?

阿們!

Olevia機頂盒, 散熱扇DIY

買入Olevia機頂盒一星期, 一直都唔滿意住佢長期keep住高溫(冬天已經維持50/60度; 咁夏天點算?)

記得機頂盒背後有個USB接口嗎? 有電源, 就可以DIY加個散熱扇!

材料如下:

- 任何散熱扇
- USB -> 電源轉換插

步驟:

1. 將散熱扇固定在盒頂, 風要set向下吹! 吹住盒內銀色散熱片位置就正確!


2. 將USB接上機背的USB接口, 風扇就會著!


3. 有風扇幫助, 機頂盒可放回電視櫃內, 唔需要再放櫃面啦!


效果:

經過數小時的播放, 機頂盒依然保持清涼 (大約在20度左右!)

真係不可思議!

狗屎垃圾

聖誕節大好日子, 還在公司工作了一整天...

拖著疲累身軀, 回家途中, 看見一個中年肥漢, 不稱身份地拖著5隻狗在散步...

其中一隻正在大方便! 打量一下男人, 並沒有正常人的放狗裝備(水樽及報紙), 像主人的肥狗在遺下一芒果般大的大屎! 像肥狗的主人便拖著一束5隻的狗隊繼續前進!

無奈的心情繼續前進, 才發現一路上大約每3至5米便有一大舊肥屎在行人路上! 估計應該也是肥狗群的罷?

世上有如此無公德心的狗主人, 真的連狗也不如! 看後實在憤怒得再累也要寫完這篇BLOG再去睡!

可以的話! 我希望政府立法無公德心狗主要被罰親口品嘗自己狗狗的新鮮熱棘糞便... 多多益善! 阿們!

經濟好?

今日經過鴨寮街小食檔, 正準備買最愛的街頭小食之際; 竟發現每串加價了$1... 比原本的$5漲價了20%之多!



原本打算買魚蛋, 牛雜, 魷魚鬚, 鴨腎的20元, 在吃過魚蛋牛雜之後, 只剩下$8... 不知為何, 心裡突然孤寒起來... 沒繼續"掃街", 回家途中想起了近來身邊不少的使費也紛紛漲價起來! 戲票, 洗衣, 房子的管理費, 小巴, 現在連街邊小食也加起來了! 也宣佈了來年的電費, 的士起錶也會加... 看來更多跟我有關的費用將會加價...

這感覺之強烈也是近幾年沒試過的, 大概是因為我的人工升幅落後經濟暴漲太遠了吧?

$650的垃圾(Encore ENNHD-NT NAS)

近半年無心寫blog, 竟然可以被一件剛買兩天的垃圾激發到我開始寫...

這件垃圾甚至連本身應有功能也欠奉, 只好在這裡發洩一下, 希望各方朋友別再被這公司的零質素產品困擾...



剛啓動15分鐘後才發覺, 作其中一賣點的BT功能根本是廢的! 中文的torrent名稱變然看不到! 好! 當我就範, 把中文torrent名改成英文! 把torrent種子加上去後, 原本BT內裡的中文檔案名變了一堆垃圾code, 亦download不到!

算, 拿一個全英文的torrent試! BT的file也是英文的! 這次它幫我create了一堆BT file內容, 但細心看! Shit! 在queue內的BT的torrent自動消失了! 好像沒加一樣! 也是download不到!

攪了半天! 也攪不好! 以為上網download firmware更新一下就沒事, 點知網上可提供的firmware竟是05年的1.02... default安裝的竟然比較新1.05, 06年中的... (無言)

它的內建Web Server Hang機情況也是很嚴重! 經常連admin console也進不了!

算! 把心一橫, 650元只當它做回它的本行... Network Storage算! @!%%^$$#@&^

將PC上的大約4Gb File抄進它的Harddisk看看! (用Samba連線) Lunch前copy過去, 怎料lunch後(大約已過了個半小時)回到辦公室, 仍在copying~ 攪X錯~ 是在用modem 28.8k上存嗎?!

一直至放工也再沒有理會它, 任由它自生自滅罷...

---

第二天回到公司... 它在沒有任何工作的情況下, hang了機... #!@@#^&#!@&

垃圾, 簡直係我接觸了十多年電腦中見到最垃圾的硬件, 廠商及支援服務...

(發洩完, 阿門)

總有一天 我的謎底會揭開

如果可以選擇, 我希望我懂彈琴, 有口難開... 倒不如把心聲隨琴鍵清脆地送到遠方...

前兩天經過朋友的BLOG, 正好遇見一首我很喜愛的歌曲, 順手牽羊, 希望朋友別介意, 我每年也會緊記你生日的...

沒腦袋, 別玩msn

你有否想過msn時刻丟著你的message? 這種不直接的對話很容易產生誤會?


以我為例, 不知覺地在msn得罪人也不知有多少次~ 被說沒有回覆! 或者討論中無故跑掉或不發言...

發覺後只覺得啼笑皆非!

不想被小器的朋友誤會, 別玩msn~ 直接見面或打電話不是更好?

---

朋友, 是的, 我是在寸你! 請對號入座...

(時常丟口訊的人上)

三千年後

一首冇歌詞, 只有讀白既曲, 原來可以有咁大魔力! 令我不斷重複去聽... 重複去聽... 重複去聽... 重複去聽... 重複去聽...

救命呀~!

同大家分享一下!

---

曲：陳輝陽
文：陳慧
讀：李香琴

再見

唔好怪我第一句就同你講再見
因為我真係專程來同你道別架

你知道我係邊個架　不過你唔記得左之嘛

我記得你嘅　你總係笑咪咪咁望住我
你唔講嘢　淨係聽我講嘢　
嗰陣時個世界好安靜　無而家咁嘈
襯得我特別吱喳　特別開心

我記得你隻手掃過我背脊嘅感覺
我記得同你去睇影畫戲　你會喺我耳仔邊講嘢　
你講得好細聲　其實我一啲都聽唔清楚
不過　我好鍾意聽你咁樣同我講嘢
以後　再冇人咁樣同我講嘢喇

我記得你好鍾意睇日落
睇完日落就去聽音樂會　我地又會成日散步去食宵夜
嗰陣唔知點解　周不時都分唔清楚究竟係星期幾
日子好似唔會過去嘅　時間好似喺停左落黎咁
然後　忽然間　就發覺原來已經經過左好多年

我記得　好痛　因為你話俾我知你要走
我無再睇過日落　亦都無再同人食宵夜

原來　難過既日子　一樣係好似唔會過去
然後　又係一眨眼　至發覺已經過左好多年

我記得　你同我去過嘅每一個地方　我唔會再去喇
嗰啲茶座　舞廳同花園　
而家係點　我唔知喇
嗰啲地方　通通留喺我心裡面
不過　我知道　你唔記得架喇　
唔緊要　我一個人記住就得啦

我唔會講　我老啦　
我只係會講　我喺度太耐
時間耐左　難免知道人總會慢慢咁將過去淡忘
又會睇住啲嘢　無聲無息咁樣消失

我點解要走　怪我自己啦
我先兩日　唔知諗緊乜嘢
無端端走咗去睇日落
個日落　就同我記得陪住你睇嗰個樣一樣
不過　就算我點樣裝出若無其事
我都冇辦法唔承認
我失去嘅嘢實在太多喇

我要走喇　如果你記得返我係邊個
我知道　你一定會好唔捨得我
仲會好掛住我

再見

十二金釵 - 三千年前 featuring 李香琴．關淑怡

兩日以來, 聽左過百次~
只係因為聽極都參透唔到歌詞究竟講緊d乜~

最勁都係出動琴姐既讀白~ 配埋d音樂, 好有粵語殘片d鬼故feel!

一個人夜晚返屋企聽住耳機, 上樓梯果陣, 都咪話唔驚!

---

十二金釵 - 三千年前 featuring 李香琴．關淑怡

主唱: 關淑怡
讀白: 李香琴

---

(讀白)

再見!　

唔好怪我第一句就同你講再見
因為我真係專程黎同你道別咖

你唔講嘢　淨係聽我講嘢　
嗰陣時個世界好安靜　冇而家咁嘈　
襯得我特別吱喳　特別開心

我記得　同你去睇日落
你會係我耳仔邊講嘢　你講得好細聲
其實我一啲都聽唔清楚咖

不過　我好鍾意聽你噉樣同我講嘢
以後　再冇人咁樣同我講嘢喇
因為你話畀我知　你要走喇
忽然間　經過咗好多年
我冇再睇過日落

(唱)

趁熄滅前　還可一見
蠟成了灰　沾污了我的臉
眾生蔓延　淚海被填
浪漫擱淺　舊歡不變

(讀白)

我記得　你同我去過嘅每一個地方
嗰啲地方　通通留喺我心裡面　我唔會講

我老喇　我只係會講
我喺度太耐　時間耐咗
難免知道人總會慢慢咁將過去淡忘
又會睇住啲嘢　無聲無息咁樣消失

我點解要走?

我先兩日　唔知諗緊乜嘢
無端端走咗去睇日落
個日落　就同我記得陪住你睇嗰個樣一樣

不過就算我點樣裝出若無其事

我都冇辦法唔承認
我失去嘅嘢實在太多喇

(唱)

趁熄滅前　還可一見
蠟成了灰　沾污了我的臉
眾生蔓延　淚海被填
浪漫擱淺　舊歡不變

(讀白)

我要走喇
如果你記得返我係邊個

我知道
你一定會　好唔捨得我
仲會好掛住我咖

再見!